Молдо Нияз айыл өкмөтүнүн балансындагы LED-экранга жарнактарды чыгаруу боюнча сумманы бекитүү жөнүндө
Молдо Нияз айыл өкмөтүнүн киреше булактарын көбөйтүү максатында, айыл өкмөтүнүн балансындагы LED-экранды пайдалануу аркылуу кошумча киреше булактарын камсыз кылуу боюнча Молдо Нияз айыл өкмөтүнүн башчысы Х.М. Досановдун билдирүүсүн угуп жана талкуулап, Молдо Нияз айыл аймагынын айылдык кеңеши токтом кылат:
- Молдо Нияз айыл өкмөтүнүн балансындагы LED-экранда жарнама көрсөтүү боюнча жеке жана юридикалык жактар менен келишим төмөнкүдөй шарттарда түзүлсүн:
- 10 секунддук видео-роликти көрсөтүүнүн баасы — күнүнө 300 (үч жүз) сомго чейин;
- Шайлоо жана референдум мезгилинде ар бир видео-роликти көрсөтүүнүн баасы — күнүнө 1000 (миң) сомго чейин;
- Видео-роликтин узактыгы 10–15 секунд болуп белгиленсин
- Жеке жана юридикалык жактар менен келишим түзүү, жарнактарды чыгарууну уюштуруу Молдо Нияз айыл өкмөтүнө жүктөлсүн.
- Жарнактардан түшкөн акча каражаттары айыл өкмөтүнүн атайын эсебине киргизилип, айыл аймагынын керектөөлөрүнө жумшалсын.
- Токтом расмий moldo-niyaz.gov.kg сайтына жарыялансын.
- Кыргыз Республикасынын Юстиция Министрлигинин ченемдик укуктук актыларынын реестрине каттоо үчүн токтом Баткен юстиция башкармалыгына тапшыруу айылдык кеңештин жооптуу катчысына милдеттендирилсин.
- Токтомдун аткарылышын көзөмөлдөө жагы айылдык кеңешинин Мыйзамдуулукту, укук тартибин сактоо, жарандардын укугун жана кызыкчылыгын коргоо, архитектура, курулуш, транспорт жана экология боюнча туруктуу комиссиясына тапшырылсын.
Төрага: И.К. Салиев